Gosið er brot á Kyoto- sáttmálanum

Gosið á Fimmvörðuhálsi hlýtur að setja stórnvöld, einkum umhverfisráðherra í gríðarlegan vanda. Kodíoxíðið, sem nú berst upp úr iðrum jarðar er nefnilega út úr öllu korti hvað varðar „skuldbindingar Íslands“ samkvæmt Kyoto- bókuninni, örugglega miklu meira en allir bílar og tæki landsmanna framleiða í margar aldir. Flúormengunin er líka meiri en þúsund álver gætu framleitt í hundruðir ára. Engin heimild er til fyrir slíku. Raunar sýnist alltaf hafa gleymst að nefna allt það koldíoxíð sem streymir á hverjum degi upp úr hverasvæðum landsins allan sólarhringinn, þótt ekkert sé eldgosið. Þetta koldíoxíð er ósýnilegt og lyktarlaust og streymir víða upp úr jarðveginum sjálfum án þess nokkur veiti því minnstu athygli.

Nú eru góð ráð dýr. Einn möguleiki er þó fyrir hendi: Hér á landi eru tveir aðilar sem hafa getið sér gott orð fyrir að stöðva, a.m.k. tímabundið losun koldíoxíðs út í andrúmsloftið, nefnilega Ölgerðin Egill Skallagrímsson og verksmiðjan Vífilfell. Raunar er allt koldíoxíðið sem fer í íslenska gosdrykki ættað úr einni borholu, sem segir ýmislegt um það gífurlega magn sem streymir úr iðrum jarðar á hverjum degi. Til að Íslendingar geti staðið við „skuldbindingar sínar“ samkvæmt Kyoto ætti að fá þessi tvö fyrirtæki til að setja kóktappa á öll eldfjöll á landinu. Einnig þarf að finna hentuga plastverksmiðju, sem getur framleitt nokkuð hundruð ferkílómetra af plastdúk til að leggja yfir öll hverasvæði landsins.

Að öðrum kosti má búast við refsiaðgerðum „alþjóðasamfélagsins“ ef Kyoto bókuninni verður fylgt.

Athugasemdir

[Morten Lange, 22.3.2010 kl. 16:07]

Af hverju þýkist þú vera þroskaheftur, er það ekki ómálefnalegt ?  

Ah ...  þetta var kannski billegt "grín"  ? 

[Vilhjálmur Eyþórsson, 22.3.2010 kl. 16:28]

Það er ekki ég sem er þroskaheftur.

[Vendetta, 22.3.2010 kl. 16:30]

Nú er upplagt fyrir Svandísi Svavarsdóttur að bjóðast til að íslenzka ríkið borgi fleiri milljarða fyrir þessa ólöglegu losun af gróðurhúsalofttegundum, enda var hún alfarið á móti öllum ívilnunum til Íslendinga á ráðstefnunni í Kaupmannahöfn. Og nú bíður hún spennt eftir Kötlugosi.

[Vendetta, 22.3.2010 kl. 16:32]

Vilhjálmur, mér finnst þú eitthvað svo kunnuglegur. Hefurðu nokkuð verið með hlutverk í The X-Files?

[Vilhjálmur Eyþórsson, 22.3.2010 kl. 16:36]

Ekki enn, en hugmyndin er góð.

[Vendetta, 22.3.2010 kl. 16:45]

Já, þú gætir verið stand-in fyrir sígarettumanninn.

[Vilhjálmur Eyþórsson, 22.3.2010 kl. 17:30]

Það er vel til fundið. Ég reyki allt að þrjá pakka á dag og geri þannig mitt til að menga andrúmsloftið, en það er lítilræði eitt miðað við það sem náttúran framleiðir. Trúlega hafa nú þegar margir rúmkílómetrar af koldíoxíði komið upp á Fimmvörðuhálsi, auk flúors og brennisteins, og ef gosið heldur áfram, jafnvel í nokkur ár verður að endurskoða Kyoto- skuldbindingarnar. Enginn kvóti er til fyrir öllu þessu koldíoxíði.

[Theódór Norðkvist, 22.3.2010 kl. 20:27]

Nú hlýtur Steingrímur J. að stökkva til, nýta þetta tækifæri og leggja mengunarskatt á Rangárþing eystra fyrir að dirfast að spúa þessu yfir okkur. Þetta er það mikil mengun að skatttekjurnar færu langt með að borga Icesave, eða leiðréttingu lána til heimilanna. Kannski hvort tveggja.

Að vísu á sveitarfélagið ekki til krónu fyrir þessu og fer rakleitt í gjaldþrot, en það hefur ekki stöðvað Steingrím J. og félaga í skattagleðinni hingað til. Trúi því varla að hann fari allt í einu að leggja svoleiðis aukaatriði fyrir sig.

[Sveinn Tryggvason, 22.3.2010 kl. 20:33]

Ég er ekki viss um að þessi uppákoma við Fimmvörðuháls hafi hlotið tilhlýðilega meðferð hjá Umhverfisráðuneytinu og stofnunum þess þannig að það er næsta víst að þessari framkvæmd verði hætt snarlega.