Vinstra- genið fundið

Loksins, loksins er komin vísindaleg stafesting á sannfæringu minni í marga áratugi. Vinstri mennska er meðfædd og arfgeng og vinstra- genið nefnist á fagmáli DRD4. Langþráð skýring á hátterni Ögmundar og Steingríms joð, Össurar og Jóhönnu er fengin (sjá hér). Eins og þeir vita sem eitthvað hafa lesið af greinum mínum um vinstrimennskuna, t.d. greinina hér að neðan „Sagt skilið við skynsemina“, „Á að refsa þeim?“ eða „Öfugmælavísu“ er fjölmargt í hátterni vinstri manna, vart er hægt að skýra með öðru móti. Hvernig stendur til dæmis á því að þeir einu Íslendingar sem með algerlega ótvíræðum hætti hafa lýst yfir aðdáun og stuðningi við blóði drifna harðstjóra, t.d. með stofnun sérstakra „vináttufélaga“ við þá standa og hafa alltaf staðið fremst allra í „mannréttindabaráttunni?“

Hvers vegna hefur ungt hugsjónafólk, alveg á kafi í „lýðræðis“- brölti og „friðar-“ og „mannréttindabaráttu“ allt fram á þennan dag farið til Kúbu til að vinna kauplaust á sykurekrum Castros? Þar hefur raunar lengi verið skortur á vinnuafli því verkfærir menn hafa flestir fyrir löngu verið fangelsaðir, eða flúnir, eða þá fóru til Afríku til að drepa svarta menn fyrir Rússa, en Castro hefur enn einhvern stærsta her í heimi, þótt ekki sé miðað við fólksfjölda. Engin „vináttufélög“ voru stofnuð við Somoza, Batista eða Idi Amin og engar „hægri bullur“ fóru til Chile til að vinna í koparnámum Pinochets. Hafi einhverjir „hægri menn“ haft einhverja samúð með þessum mönnum er alveg víst að þeir mundu ekki ganga í Amnesty. Hins vegar eru komin um þrjátíu ár síðan ég sá að minn gamli skólafélagi, Svavar Gestsson var farinn að halda ræður á Amnesty- fundum um „lýðræði“ og „mannréttindi“ alveg samtímis og samhliða starfinu í „vináttufélögunum“ við t.d. Austur- Þýskaland, Víetnam, Sovét (MÍR) o.s. frv.

Og hvernig á að skýra einlæga Kúbuvináttu sjálfs „mannréttindaráðherrans“ Ögmundar? Eða þá Hjálmtýr Heiðdal sem skrifaði langar greinar í Moggann til liðs við Pol Pot og Rauða Kmera þegar blóðbaðið stóð sem hæst. Hann hrópaði þá, eins og hann gerir enn í dag hæst allra um mannúð og manngæsku, „lýðræði“ og „mannréttindi“.  

Eða hvað með Birnu Þórðardóttur, þá frægu „mannréttindakonu“, sem var á sínum tíma aðalsprautan í „vináttufélaginu“ við Norður- Kóreu. Þar ríkir einhver sú miskunnarlausasta kúgun líkama og sálar sem dæmi eru um í gjörvallri veraldarsögunni. Birna fór meira segja þangað austur til að hitta vin sinn og átrúnaðargoð, harðstjórann og alræðiskúgarann. Hún er enn á kafi í „mannnréttinda“- bröltinu, m.a. í „Samtökunum ´78“, en ofsóknir vinar hennar Castros gegn hommum eiga sér enga hliðstæðu síðan á dögum þriðja ríkisins. Af hverju allt þetta „lýðræðis“ og „mannréttinda“- hjal í þessu fólki, einu Íslendingunum sem alveg vísvitandi og í verki hafa stutt og styðja kúgara, böðla og þjóðarmorðingja?  

Enginn skyldi halda að þetta fólk sé vísvitandi að ljúga, blekkja eða falsa. Það sér í raun og sannleika ekkert athugavert við framferði sitt og ástæðan er nú fundin. Hún er bundin í erfðavísa og  genið heitir DRD4.

Athugasemdir

[Jón Ríkharðsson, 29.10.2010 kl. 21:15]

Það verður þá verkefni fyrir vísindamenn að finna lækningu til að halda vinstri mennnskunni í skefjum. Mig hefur lengi grunað að ekki sé allt með felldu varðandi þetta fólk, það virðist hafa margt ágætt til að bera, en er óneitanlega haldið ákveðinni fötlun sem lýsir sér í brengluðu raunveruleikaskyni.

Sem betur fer er þetta frekar fágæt fötlun enn sem komið er en vonandi kemur ekki faraldur.

[Vilhjálmur Eyþórsson, 29.10.2010 kl. 21:21]

Því miður, Jón minn sæll. Þetta er ekki fágæt fötlun. Þvert á móti. Líttu í kringum þig! 

[Jón Ríkharðsson, 30.10.2010 kl. 09:33]

Ég stend nú enn við mína skoðun að þetta sé fágæt fötlun.

En þeir sem haldnir eru þessari fötlun eru ansi háværir og fólk almennt nennir ekki að hugsa sjálfstætt, þess vegna held ég að svona margir taki mark á þessu liði, án þess að vera endilega haldnir þessum genagalla.

 Þessi sjónarmið sem þú hefur sett fram og innihalda mikinn sannleik, þá vísa ég einnig til greinanna úr Þjóðmálum, þetta hefur lítið heyst í umræðunni. Það er nefnilega eki gott þegar fjölmiðlar eru haldnir þessari fötlun að milu leiti, allt of margir trúa þeim gagnrýnislaust.

Það vantar nefnilega mikið á að umræðan í samfélaginu endurspegli endilega það sem fólk vill. Ég hef talað við nokkra sem telja sig vinstri sinnaða, svo þegar ég hef spurt þá álits um grundvallaratriði vinstri stefnunnar þá hefur þeim ekkert litist á þau. Fólk veit ósköp lítið um þessi mál, það byggir sínar skoðanir á yfirborðskenndu hjali allt of oft.

[Jón Ríkharðsson, 30.10.2010 kl. 09:35]

Fyrirgefðu stafsetningarvillurnar Vihjálmur, það er svo mikill veltingur núna að erfitt er að halda sér í stólnum við tölvuna og skrifa.

Það er haugabræla á vestfjarðarmiðum nú um stundir.

[runar (IP-tala skráð) 30.11.2010 kl. 11:06]

Hjartanlega sammála þér Vilhjálmur.

Sama á við fyrri grein þína þar sem þú lýsir vinstra stóðinu fullkomlega.

Jón hitti naglann beint á höfuðið í athugasemdunum við þá grein og vil ég tjá honum að við erum ansi margir sem berum þessa skoðun, við erum þó ennþá ekki jafn háværir og flathyggjulið, en pólitíski rétttrúnaðurinn hefur misst mikið af mætti sínum og í kjölfarið fjölgar í hópi þeirra sem tala beint út um ástandið eins og það raunverulega er !

Ertu á frystingu Jón ?

[Björn Birgisson, 9.1.2011 kl. 16:54]

"Það er haugabræla á vestfjarðarmiðum nú um stundir."

Þeir fiska sem blogga!

[Svavar Bjarnason, 9.1.2011 kl. 17:42]

"Það verður þá verkefni fyrir vísindamenn að finna lækningu til að halda vinstri mennnskunni í skefjum."

Þetta hljómar eins og ákall frá ákveðinni öfgahugmyndafræði, sem ég hélt að hefði verið kveðin niður fyrir 65 árum síðan.

[Vilhjálmur Eyþórsson, 9.1.2011 kl. 17:52]

Af þessu má ráða að þú heldur, vegna þess að ég er ekki á sömu skoðun og þú, að ég sé einhvers konar nasisti! Það er ömurlegt að þurfa að eyða orðum í slíka menn eða eiga við þá orðastað.

[Svavar Bjarnason, 9.1.2011 kl. 17:56]

Tókst þú þetta til þín Vilhjálmur? Þú mátt alveg gera það, en ég var að vitna í komment #1.