Nær allt koldíoxíð er náttúrlegt og hefur verið í ármilljarða

Mér finnst tilvalið í ljósi „umræðunnar“ að setja hér inn smá tilskrif um koldíoxíð, lofttegund lífsins, hina raunverulegu undirstöðu alls lífs á jörðinni. Of fáir virðast vita, að það er koldíoxíð, ekki súrefni (sem er ekki nauðsynlegt lífi) sem er hin raunverulega undirstaða alls lífs á jörðinni.
Og „loftslagsvandinn” er enginn vandi. Þvert á móti. Afturhvarf til hins hlýja, raka loftslags sem ríkti á fyrri hluta núverandi hlýskeiðs væri öllum til hagsbótau.
Koldíoxíð er, ásamt vatni, undirstaða alls lífs á jörðinni. Þegar jörðin var ung, fyrir um fjórum milljörðum ára, áður en lífs varð vart, virðist það hafa verið yfir 20% gufuhvolfsins. Það hefur streymt úr iðrum jarðar æ síðan og ef lífsins nyti ekki við væri það nú örugglega meginuppistaða gufuhvolfsins eins og á systurplánetu jarðar, Venusi. En á Venusi er ekki fljótandi vatn, svo líf getur ekki þrifist.
Hér hefur koldíoxíðið, ásamt vatni og með því að tengjast ýmsum frumefnum myndað þær gífurlega flóknu keðjur kolvetnissambanda sem eru lífið sjálft. Það er fráleitt og beinlínis fáránlegt að tala um þessa undirstöðulofttegund í gufuhvolfinu frá upphafi og byggingarefni sjálfs lífsins sem „mengun”, eins og gróðurhúsamenn gera í ofstæki sínu og fáfræði.
Réttara væri að tala um óbundið súrefni og hið þrígilda afbrigði þess, ósón, sem „mengun”, því óbundið súrefni er ekki upprunalegt í gufuhvolfinu og ekki nauðsynlegt lífi, heldur úrgangsefni frá jurtalífinu sem dýrin, sumar bakteríur, allir sveppir (og maðurinn) nýta sér. Þessi „saur jurtanna” myndar nú 20,9% gufuhvolfsins en koldíoxíðið, sjálf undirstaða lífsins, var komið nokkurn veginn í jafnvægi, þ.e. niður undir ca. eitt kíló í hverju tonni gufuhvolfsins á fyrstu ármilljörðum lífsins, löngu fyrir daga risaeðlanna. Það er nú um 0.038% eða ca 400 grömm í tonni andrúmslofts.

Það er rúmlega fimmtíu sinnum meira í höfunum, (sem eru basísk og geta því ekki súrnað)

 Af þessum 400 grömmum í tonni andrúmslofts eru kannski 10 grömm manngerð, en vel hugsanlega miklu minna.Raunar mælist koldíoxíð mjög mismikið eftir landsvæðum og árstíðum og tímum sólarhrings, eykst á nóttinni, minnkar á daginn.
Koldíoxíð kemur að sjálfsögðu að hluta frá andardrætti manna, dýra, fugla, fiska (neðansjáar). skordýra (gífulegt magn, sem alltaf gleymist) og ekki síst kemur það frá sveppagróðri og aeróbískum (ildiskærum) bakteríum. Allt sem deyr ofansjávar og neðan breytist að miklu leyti í koldíoxíð fyrir tilverknað þessarra örvera. Menn ættu að hafa í huga að örverur eru um helmingur lífmassa jarðarog þetta magn er gífurlegt (sbr. t.d. framræsla mýra).

Þá er ótalið allt það, sem streymir af þessari ósýnilegu, lyktarlausu lofttegund upp úr jörðinni allan sólarhringinn alla daga úr öllßum lág- og háhitasvæðum jarðar ofansjávar og neðan auk þess sem eldfjöllin leggja öðru hvoru til. Jafnvel í ýmsum jarðfræðilega „köldum" löndum eru víða ölkeldur, sem koldíoxíð streymir upp um.
Þetta er óskaplegt magn, en eldvirkir neðansjávarhryggir ná um 50 þús. kílómetra í mörgum hlykkjum umhveris jörðina og á þeim eru hunduð þúsunda eða milljónir loftventla og eldgíga.
Allar jurtir, ofansjávar og neðan eru að miklu leyti úr kolefni, oft 30-50% og bókstaflega allt þetta kolefni kemur úr koldíoxíði. Menn og dýr eru líka að miklu leyti úr kolrfni, sem upphaflega hefur komið úr koldíoxíði gufuhvolfsins.
Jurtirnar þurfa gífurlegt magn koldíoxíðs á hverjum degi til að vaxa og dafna, mynda nýjar frumur og vefi og nýtt súrefni, en allt súrefni gufuhvolfsins hefur áður verið koldíoxíð (annar helmingur mólekúlsins).Þessi hringrás tekur aðeins innan við tíu ár.
Raunar byggir C 14 aldursgreining fornleifafræðinga á þeirri staðreynd, að þetta er hringrás sem sífellt endurnýjast, koldíoxíð eyðist og nýtt tekur við á um tíu ára fresti og þannig hefur þetta verið í milljarða ára, síðan jörðin var ung.

Í samanburði við þessa risavöxnu hringrás sem nær til allra jurta og þörunga í öllum löndum og höfum verður brölt mannanna heldur lítilfjörlegt og beinlínis hjákátlegt.

Á þessari mynd má sjá, að koldíoxíð, þessi 0,038% gufuhvolfsins, er talið valda í mesta lagi 3,6% gróðurhusaáhrifa.Hluti mannkynsins í þessum 3,6% er reyndar svo lítill að hann mælist varla, en um það stendur öll deilan.

Hugsið um það!

Gróðurhúsaáhrif koma að langmestu leyti frá vatnsgufu (myndina má stækka með því að smella á hana).

Athugasemdir

[Sigurður Bjarklind (IP-tala skráð) 27.11.2018 kl. 08:51]

Þakka þér fyrir góðan pistil. Ætli það geti verið að ljóstillífun hafi verið tekin út úr námsskrám í skólum heimsins?

[Eyjólfur G Svavarsson, 27.11.2018 kl. 12:44]

Mjög athyhlisvert. Takk fyrir.

[Richard Þorlákur Úlfarsson, 27.11.2018 kl. 13:25]

Frábær pistill.

Ég skil engan vegin hvernig fólk getur trúað því að mannkynið geti ráðið veðurfari jarðar.

Allar vísindarannsóknir langt aftur í tímann sína að maðurinn hefur ekkert með veðurfarið að gera.

Svo ætti það að vera augljóst öllum að magn CO2 í andrúmsloftinu fylgir hitastiginu og ekki öfugt.

[Vilhjálmur Eyþórsson, 27.11.2018 kl. 21:40]

 Þetta er hárrétt hjá Richard. Rannsoknir á borkjörnum frá Grænlandi og Suðurskautslandinu sýna, að í fyrri hitasveiflum hlýnar alltaf fyrst, koldíoxíð byrjar að aukast síðar.

Auk þess er það vissulega fráleitt, beinlínis fáránlegt að ímynda sér að mannkynið geti stjórnað veðrinu á jörðinni.

[Helga Kristjánsdóttir, 28.11.2018 kl. 17:46]

Heppin að fá þessa grein eftir að nà aftur netinu með hjálp símans. Fávís ég að karpa um þetta í vikunni,en mundi niðurstöður borkjarna í Grænlandi. Nú get ég syýnt greinina, takk kærlega fyrir.

[pallipilot (IP-tala skráð) 28.11.2018 kl. 17:47]

Er jörðin gengur sínar árstíðir inn í eldsumbrot byrjar kvikan að sprengja sig upp að yfirborðinu og getur það tekið meira en öld. Þar hitnar jarðskorpan sem hækkar hitastig á jörðinni og höfum við myndað okkur margar kenningar um það og ýmislegt fleira. Ein kenningin er sú að 2/3 hlutar hafmassans sé undir hafsbotni, en það má segja að eiginlega vitum við ekkert. 
En aukinn útblástur okkar eykur CO2 mun hraðar í andrúmsloftinu en þær athuganir á Grænlandi og Suðurskauti sýna. Það er staðreynd, ekki kenning.

[Oskar Steingrimsson (IP-tala skráð) 28.11.2018 kl. 23:32]

Frábær grein. Algjörlega sammála. Hvenær skyldu stjórnmálamenn og hinir svokölluðu "vísindamenn" segja okkur sannleikann og

gefa svigrúm fyrir aðra skoðun en "hlýnun jarðar af mannavöldum", nei sorry, engin hlýnun svo höfum það frekar "loftslagsbreytingar af mannavöldum"?

Allt þetta kjaftæði um að CO2 sé skaðvaldur hefur orðið þess valdandi að a.m.k. ég er hættur að bera virðingu fyrir vísindunum og þessari tegund af "vísindamönnum".

Hvað er íslenskur almenningur búinn að bera í þyngri skattbyrgði og gjaldtökum út af þessari vitleysu, og hvað þá allur heimurinn?

Eru allir okkar stjórnmálamenn illa upplýstar strengjbrúður?  Margir vísindamenn halda því fram að jörðin sé í CO2 svelti. Jörðin hefur aldrei dafnað eins vel og þegar hitastigið

hefur verið mun hlýrra en núna og CO2 magnið mun meira. Hvernig væri að stofna samtök til að berjast gegn þessum öflum sem ljúga og falsa til að ná fram sínum ranga málstað?

Loftslagsbreytinar eru staðreynd, hafa alltaf verið og munu alltaf verða hvað svo sem mannskepnan tekur sér fyrir hendur. Algjörlega náttúrulegt fyrirbrigði sem við mennirnir

höfum ekkert um að segja eða getum breytt.  Það sem stjórnar þessum breytingum er af þeirri stærðargráðu að ekkert í mannlegu valdi getur breytt því, þ.e. t.d. gangur himintunglanna og virkni sólarinnar. 

Þetta er hægt að sanna með vísindarökum, þá meina ég sönnum og heiðarlegum vísindum.

[Halldór Jónsson, 30.11.2018 kl. 03:51]

Frábær samantekt

[Brandur Karlsson (IP-tala skráð) 30.11.2018 kl. 14:05]

Þegar kerfi er í jafnvægi þá myndast jafn mikid og eyðist. Ef þú bætir við efni inn í hringrasina þá getur hringrásin aukist, staðið í stað eða dvínað eftir því hvaða efni og hvaða magn af því er um að ræða. Oft þarf ekki nema hlutfallslega örlítið magn af viðbættu efninu til að raska hringrásinni. 

Semsagt, það að útlosun af mannavöldum sé hlutfallslega of lítið miðað við heildar losun í hringrás náttúrunar til að hafa teljandi áhryf er ekki satt. Og 3,2% er feiki nóg til að raska jafnvæginu. 

Mér finnst ahugavert í þessu samhengi að benda á að flugumferðin sem ekki varð af vegna Eyjafjallajökuls gossins hefði slept meiru CO2 út í andrúmsloftið en gosið gerði.  

[Óskar, 17.12.2018 kl. 11:59]

Þetta er eitthvert mesta bull sem ég hef á ævi minni lesið. Bara þessi setning er alveg ævintýralega vitlaus: "Það er rúmlega fimmtíu sinnum meira í höfunum, (sem eru basísk og geta því ekki súrnað)"  Já einmitt, höfin geta ekki súrnað!!

[Vilhjálmur Eyþórsson, 17.12.2018 kl. 17:09]

 Fáfræði þín er yfirgripsmikil, Óskar minn sæll. Sýrustig hafanna er um 8,2 að jafnaði og útilokað að þau fari niður fyrir 7, þ.e. að þau súrni.

Um magn koldíoxíðs í höfunum er einfaldast að vitna í íslensku Wikipedíu: "Þar sem spurningin beinist ekki eingöngu að lofthjúpnum er rétt að nefna að mjög mikið koltvíoxíð er á uppleystu formi í höfunum eða um 40000 GtC sem er meira en fimmtíufalt á við andrúmsloftið".