Úti í skafli flokkur frýs

 

 

 Eg heyri í útvarpinu, að Ólafur Ragnar er að hrósa Böðvari Guðmundssyni fyrir ævisögu Jónasar 

Hallgrímssonar.

Þeir Böðvar voru bekkjarfélagar í MR og urðu stúdentar tveimur árum á undan mér.

Engir sérstakir kærleikar voru þá með þeim Böðvari, og þegar Ólafur á sínum tíma sagði skilið við 

Magnúsar-Torfu- samtökin (Samtök frjálslyndra og vinstri manna) orti Böðvar eftirfarandi vísu um sinn gamla félaga:

 

 Úti í skafli flokkur frýs,

fána sviptur rauðum,

Ólafur Ragnar Grímsson grís,

gekk af honum dauðum.

 

Ólafur gekk á þessum árum ávallt undir nafninu "Óli grís" innan veggja Menntaskólans, en hann varð snemma fyrirferðarmikill.