Landráð eru það og landráð skal það heita

Mér finnst full ástæða til að vitna með dálitlum tilbrigðum í Ólaf heitinn Jóhanesson um það sem fer fram á Alþingi Íslendinga þessa dagana undir forystu biðukollunnar Jóhönnu og rauð- græna skallamannsins, sem núna er loksins, loksins, loksins búin að fá völdin sem hann hefur dreymt um í öll þessi ár. Verkin sýna merkin. Fyrst á að gera þjóðina að bónbjarga öreigum vegna glæframennsku fáeinna óreiðumanna, sem enga ríkisábyrgð höfðu. Þeir sem lánuðu þeim verða að bera sjálfir sína ábyrgð og taka á sig skaðann, eða eins og Rómverjar sögðu: Caveat emptor. En ekki nóg með það: Nú er verið að selja þjóðina undir vald útlendra skrifstofumanna, þeirra sömu sem með yfirgangi og ofbeldishótunum eru að þvinga okkur til að borga Icesave. Það er verið að svíkja það, sem forfeður okkar börðust fyrir í margar aldir, fullveldi og sjálfstæði þjóðarinnar. 

 Skömm og svívirða þeirra, sem nú mynda meiri hluta Alþingis mun lengi uppi verða. Minning þeirra verður bölvuð, eins og þeirra sem stóðu að gerð Gamla sáttmála á sínum tíma. 

Mér finnst leitt að eiga ekki fánastöng, svo ég geti flaggað í hálfa stöng.

Það á alltaf að nota það orð sem við á, segja sannleikann, hvað sem á dynur og orðið sem nú á að nota er"landráð!" Landráð eru það og landráð skal það heita.

Samþykkt að senda inn umsókn

Athugasemdir

[hrolfur olason (IP-tala skráð) 16.7.2009 kl. 15:09]

Álika mikil landráð og þegar Ísland gekk í NATO

Nema núna fær þjóðin að eiga síðasta orðið.

[Alfred Styrkársson (IP-tala skráð) 16.7.2009 kl. 15:10]

Þó að menn séu ósammála um hlutina fer það mönnum alltaf illa að nota svona orðfæri.

Þrátt fyrir allt erum við, höfum verið og verðum háðir utanaðkomandi með eitt og annað, hér hefur t.d. allt efni til húsagerðar verið innflutt um langa hríð.

Menn láta alltaf eins og ísland sé eina landið sem búi yfir auðlindum, samt gætum við ekki reist okkur þak yfir höfuðið nema með innfluttu efni.     Gátum varla staðið í lappirnar sjáf fyrr en við fengum Marshall aðstoðina eftir stríð, amk voru torfkofarnir vinsælir þar til braggarnir tóku við.

Fyrst þú vilt nota þetta orðfæri þá spyr ég, er það ekki jafn mikil landráð að hneppa þjóðina í fjötra hrepparígs og minnimáttarkenndar eins og þið andstæðingar evrópusambandsaðildar eruð að gera.     Forsetar Norður-Kóreu, Myanmar og Zimbabwe eru að gera einmitt þetta, loka þjóðina inni.    Eru það ekki landráð í sjálfu sér?

[Helgi Jóhann Hauksson, 16.7.2009 kl. 16:45]

Allir sem eru ósammála mér eru landráðamenn og þjóðsvikarar, villutrúarmenn og guðlastarar og svo sannanlega eiga þeir sem eru ósammála mér um hagsmuni þjóðarinnar ekki tilverurétt og ekkert gott skilið,  Heyr!!! Amen!!! og Halelúja - ÉG er mikill og ÉG er góður og ÉG trúi á mig. - ÉG er þjóðin og þjóðin er enginn nema ég.  - Og allir sem andmæla mér eru þjóðsvikarar, landráðamenn og guðlastarar.

- Eða þannig

[Valsól (IP-tala skráð) 16.7.2009 kl. 17:03]

Til hamningju Ísland, loksins skynsamleg ákvörðun á Alþingi Íslendinga. heldur þú að við séum svo sérstök að við séum merkilegri en Finnar, Damir og Svíar? það er eingöngu verið að hugsa um hagsmuni almennings í þessu máli á kostnað stjórnsýslu sem býður upp á klæikuskap og spillingu. Húsnæðislán lækka um tugir og hundruðir miljóna. 20 miljón króna lán til 40 ára fer úr því að hafa greiðslubyrði upp á 17 falt lánið niður í 1,2 falt, þ.e úr 274 miljónum eftir 40 ár í 24 miljónir. Þetta eru rúmlega 800% munur sem þýðir þá mestu kjarabót sem íslenskum almenningi býðst upp á. Þarna munu færast á hverju ári 228 miljarðar frá auðmönnum til almennings. Mestu frjámagnsflutningar á milli stétta frá upphafi lýðveldisins.

[Ingolfur (IP-tala skráð) 16.7.2009 kl. 17:08]

Mér finnst margir skoðanbræður mínir þ.e.a.s andstæðingar evrópuaðildar hreinlega verða sér til stórskammar í umræðum í dag, að kalla menn landráðamenn, þjóðníðinga, júdas, viðriðni og fl, þetta segir meira um þá sjálfa, ég er gríðarlega ánægður eftir áralanga leiðingjarna umræðu um þetta mál, að við semjum og leggjum þetta lýðræðislega fyrir þjóðina. ég er alveg sannfærður um að þjóðin hafnar þessu með talsverðum meirihluta því ég held að það sé vonlaust að við fáum góðan samning. en það mætti halda að menn þyrðu ekki í þessa lýðræðislegu umræðu sem er framundan, við ( evrópuandstæðingar) munum standa sterkar eftir að þjóðin hafnar þessu og losnum við þetta evrópugjamm í 15-20 ár og þá þurfum við líklega að taka slagin aftur. 

svona er lýðræðið

ég tek ofan fyrir þeim sem samþykktu í dag að fara í aðildarviðræður.

[Jón Valur Jensson, 16.7.2009 kl. 20:56]

Valsól er manna ruglaðastur í reikningi, eins og frægt er orðið.

[Sigurlaugur Þorsteinsson, 17.7.2009 kl. 10:20]

Ég tek undir með Ingolf og Helga og finnst skrif greinarhöfundar eiginlega dæma sig sjálf,eins hvað varðar stjórnarandstöðu,þá fanst mér flestir þeirra setja niður við atkvæðaskýringar sínar,það hljóta að vera til betri rök gegn aðild en að VG sé vondur flokkur,og núna er verið að skrattast í Þorgerði K fyrir að fylgja að hluta sannfæringu sinni en ekki flokkslínum.En ég verð að segja að stóryrði og upphrópanir eru oftast orð rökþrota manna og sem slík dæma þann sem nota þau.

[OD (IP-tala skráð) 17.7.2009 kl. 10:32]

Svona ummæli eru til skammar.  Það er einfaldlega þannig að mjög stór hópur manna og kvenna í þjóðfélaginu er þeirrar skoðunar að innganga í ESB sé landi sínu fyrir bestu og eru á því að innganga styrki bæði sjálfstæði þjóðar og líðræði.  Meðal annars eru lykil samtök atvinnurekenda og flest samtök launamanna og samtök neytenda. Væntanlega er þessi hópur með hliðstæð sjónarmið og aðrir í okkar nágrannalöndum eins og  Danmörku, Svíþjóð, Finnlandi, Eistlandi ... Menn þurfa að hafa mikið álit á sjálfum sér og sinni getu til greiningar til að ásaka aðra um landráð enda fáir sem hafa kynnt sér málin vel notað slík orð.  Það er spurning hvort það að taka svona stórt upp í sig er dæmi um einhverskonar svik (nota ekki orðið landráð) við þjóðina og heimild manna að hafa sínar skoðanir.

[Magnús Helgi Björgvinsson, 17.7.2009 kl. 10:45]

Fyrst þú ert að vitna í Ólaf Jóhannesson þá sagði hann á Alþingi þegar EFTA umsóknin var á dagskrá [eitt af mestu framfaramálum okkar]

Herra forseti. Ég tel, að ákvörðun um aðildarbeiðni Íslands að EFTA eigi að fresta. Ég er því alls ekki andvígur, að kannað sé, hvort og með hvaða kjörum Ísland geti gerzt með einhverjum hætti aðili að EFTA, en ég tel það ekki tímabært eins og sakir standa. Ég býst við því, að það geti orðið óhjákvæmilegt fyrir Íslendinga að tengjast EFTA með einhverjum hætti. Ég býst við, að framvindan geti orðið sú. En áður en slíkt getur orðið, þurfum við að athuga margt hjá okkur sjálfum og við þurfum að lagfæra margt hjá okkur sjálfum. Ég held, að við séum ekki við því búnir, eins og sakir standa nú, að gera þær stökkbreytingar eða þá aðlögun, sem þarf. Að vísu er gert ráð fyrir, að aðlögunartími fáist og vitaskuld skiptir það máli, hver hann verður. En það er út af fyrir sig gagnslaust að senda inn umsókn, nema við séum búnir að gera það dæmi upp við okkur sjálfa. Ég tel þann tíma, sem til þess er valinn að taka ákvörðun um þetta mál, illa valinn. Þjóðin hefur um þessar mundir um ærið annað að hugsa.

Þjóðin stendur nú frammi fyrir hrikalegri vandamálum í efnahagslífi og atvinnumálum, en oftast nær áður. Það er um þau mál, sem þarf að hugsa. Það er við þau vandamál, sem Alþ. og ríkisstj. þurfa og eiga að glíma. Þegar þannig er ástatt, er ekki ástæða til að fara að fást við þetta svokallaða EFTA--mál,

Þetta eru nákvæmlega sömu rök og menn er með núna gegn ESB

[Vilhjálmur Eyþórsson, 17.7.2009 kl. 12:54]

Ég tek ekki aftur eitt einasta orð af því sem ég sagði. Ég hef aldrei verið framsóknarmaður eða í aðdáendahópi Ólafs Jóhannessonar, en eins og menn ættu að vita var hann á sínum tíma að tala um "mafíuna", ekki EFTA. Það er nefnilega ekki aðeins ES- umsóknin heldur aðfarirnar í kringum Icesave, sem hljóta að jaðra við eða vera landráð, t.d. hvernig þeim gögnum sem eru Íslendingum í hag er stungið undir stól. Össur og hinir mensévíkarnir í Samfylkingunni eru ekki að berjast fyrir hagsmunum Íslands, heldur fyrir hagsmunum þeirra útlendu manna sem halda okkur í kverkataki og spennitreyju. Mensévikar eru, og hafa alltaf verið undirlægur. Þeir eiga þann draum æðstan að komast í "klúbbinn" en gleyma því að ES- menn fyrirlíta okkur og lítilsvirða á móti. Þeir haga sér eins og auðmjúkur, barinn hundur. 

Burt með þá!